علیزے شاہ کتنے سال کی ہو گئیں؟

10 جون ، 2023

پاکستان کی معروف اداکارہ، ماڈل و گلوکارہ علیزے شاہ 23 سال کی ہو گئی ہیں۔

خوبرو، باصلاحیت اور چھوٹی سی ہی عمر میں شوبز انڈسٹری میں بڑا نام کمانے والی اداکارہ علیزے شاہ نے گزشتہ روز اپنی 23ویں سالگرہ منائی ہے۔

اداکارہ علیزے شاہ نے گزشتہ کچھ عرصے کے دوران اپنا غیر معمولی وزن کم کیا ہے اور آج کل وہ اپنے انسٹاگرام اکاؤنٹ پر نت نئی تصویریں اور ویڈیوز شیئر کرتی نظر آتی ہیں۔

علیزے شاہ کی جانب سے شیئر کی جانے والی ویڈیوز پر لاکھوں لائیکس اور کمنٹس آتے ہیں جبکہ آج کل علیزے نے منفی سوچ اور تنقیدی کمنٹس سے دور رہنے کے لیے اپنا کمنٹ سیکشن بند کیا ہوا ہے۔

علیزے شاہ کے آنے والے ڈراموں کے سیٹس پر بھی ساتھی اداکاروں نے اُن کی سالگرہ کا کیک کاٹا جس کی ویڈیوز سوشل میڈیا پر وائرل ہو گئی ہیں۔