کراچی(اسٹاف رپورٹر) فائیو اے سائیڈ ہاکی ٹورنامنٹ میں اسلام آباد فائٹرز اور فیصل آباد فالکنز کی ٹیموں نے اپنے اپنے میچز جیت لیا۔لاہور میں جاری ٹورنامنٹ میں اسلام آباد فائٹرز نے کوئٹہ واریئرز کو 5-7 سے زیر کیا۔ فاتح اسلام آباد ٹیم کی جانب سے اویس الرحمان نے تین، رضوان سینئر نے دو جبکہ وسیم اکرم اور راشد محمود نے ایک ایک گول اسکور کیا۔ کراچی شارکس اور لاہور لائینز کا میچ تین تین گول سے برابر رہا۔ کراچی کی جانب سے حسن انور نے دو جبکہ سکندر مصطفٰی نے ایک گول اسکور کیا۔ لاہور کی جانب سے تینوں گول رانا سہیل ریاض نے کیے۔ ادھر فیصل آباد فالکنز نے پشاور پینتھرز کو 2-8سے زیر کیا۔ فاتح ٹیم کی جانب سے دلبر، عاطف مشتاق، عتیق رشید نے دو دو گول کیے جبکہ محسن صابر اور مبشر علی نے ایک ایک گول کیا۔ پشاور کی جانب سے دونوں گول سمیع اﷲ خان نے کیے۔
فرمان الہی
نماز کے اوقات
