فرمان الہی
نماز کے اوقات
گھوٹکی( نامہ نگار)گھوٹکی میں مسلح افراد نے فائرنگ کرکے تین افراد کو قتل اور ایک کو زخمی کردیا، واقعہ کے بعد ملزمان فرار ہوگئے۔ تفصیلات کے مطابق گھوٹکی کے محلہ انور آباد میں مسلح افراد نے دکان پر فائرنگ کردی جس کے نتیجے میں دوکاندار اصغر تھہیم موقع پر جاں بحق ہوگیا۔ بعد ازاں ملزمان نے قریبی دکان پر بھی فائرنگ کردی جس کے نتیجے میں غوث بخش ساوند اور 13سالہ بشرا ساوند جاں بحق ہوگئی اور ایک شخص امام بخش سومرو سخت زخمی ہوگیا واقعہ کے بعد فائرنگ کرنے والے ملزمان باآسانی فرار ہو گئے اطلاع ملنے پر اے سیکشن تھانے کی پولیس نے جائے وقوعہ پر پہنچ کر واقعہ میں جاں بحق ہونے والے تینوں افراد اور زخمی کو تعلقہ اسپتال گھوٹکی منتقل کیا جہاں پر زخمی کو طبی امداد دی گئی بتایا جا رہا ھے کہ واقعہ ساوند، سندرانی تصادم کا شاخسانہ ہے۔
