فرمان الہی
نماز کے اوقات
اسلام آباد (اے پی پی) وزیراعظم محمدشہباز شریف نے ’’صحت مند غذا ۔تندرستی سدا‘‘ مہم کے حوالے سے کہا ہے کہ عوام کی اچھی صحت کا صاف اور صحت مند خوراک سے گہرا تعلق ہے، ہمارے ہسپتال ویران اور کھیلوں کے میدان آباد رہنے چاہئیں اور یہ مہم ایک صحت مند مستقبل کی نوید ثابت ہوگی۔اتوار کو اپنے ایک ٹویٹ میں وزیراعظم نے کہا کہ یہ عوام کا حق ہے اورانہیں معلوم ہونا چاہئے کہ ان کو فراہم کردہ خوراک میں کیا اجزا شامل کیے گئے ہیں تاکہ وہ بہتر اور شفاف معلومات کی بنا پر اپنی خوراک کا انتخاب کر سکیں۔ انہوں نے کہا کہ ’’صحت مند غذا ۔تندرستی سدا‘‘ مہم کا پورے پاکستان میں اجرا کیا جا رہا ہے۔ اس مہم کے تحت ہر ریستوران کھانوں کی مکمل کیلوریز سے صارف کو آگاہ کرے گا۔
