فرمان الہی
نماز کے اوقات
پاکستان کے معروف فیشن ڈیزائنر و اداکار حسن شہر یار یاسین نے بھارتی باربی ڈول کترینہ کیف سے ملاقات کا احوال سنایا ہے۔
پاکستان سمیت دنیا بھر میں یکساں شہرت رکھنے والے اداکار حسن شہریار یاسین نے گزشتہ شب پاکستان کے مشہور ترین شو ’ہنسنا منع ہے‘ میں شرکت کی۔
اس دوران انہوں نے خود سے متعلق اپنے مداحوں کو مزید جاننے کا موقع دیا اور حاضرین کے دلچسپ سوالات کے جواب دیئے۔
حسن شہریار یاسین نے انکشاف کیا کہ بہت کم لوگ جانتے ہیں کہ اداکارہ کترینہ کیف پاکستان آ چکی ہیں۔
حسن شہریار نے بتایا کہ جب وہ پاکستان آئیں تو اُن سے کترینہ کیف کی ٹیم نے رابطہ کیا تھا، کترینہ کی ٹیم کا بتانا تھا کہ اداکارہ میرے تیار کردہ کپڑوں کی بہت بڑی فین ہیں اور مجھ سے ملنا چاہتی ہیں۔
حسن شہریار نے بتایا کہ کترینہ کیف خود اُن کے اسٹوڈیو میں اُن سے ملنے آئی تھیں۔
شو کے دوران اسکرین پر چلائی جانے والی تصویر دیکھ کر حسن شہریار کا بتانا تھا کہ یہ تصویر اُن کے ہی اسٹوڈیو میں کترینہ کیف کے ساتھ بنائی گئی تھی۔
شو کے دوران اُن کا کہنا تھا کہ وہ چاہے امریکا سے پڑھ کر آئے ہیں مگر وہ ’برگر‘ نہیں بلکہ پاکستانی ہیں۔
شہریار منور نے شو کے دوران اپنے ساتھ پیش آنے والے دلچسپ واقعات بھی سنائے۔
