فرمان الہی
نماز کے اوقات
وفاقی وزیر خورشید شاہ نے کہا ہے کہ ہم نے ایاز صادق اور خواجہ آصف کے ذریعے 5 نام وزیرِاعظم کو دیے ہیں، نگراں وزیرِ اعظم کے لیے جو 5 نام ہم نے دیے وہ ٹی وی پر نہیں آئے۔
خورشید شاہ نے میڈیا سے گفتگو کے دوران کہا ہے کہ رانا ثناء نے جو دو نام دیے وہ کمیٹی کے فیصلے میں شامل نہیں تھے۔
انہوں نے کہا کہ رانا ثناء مجھ سے بہتر جانتے ہیں، اِنہیں زیادہ پتہ ہوگا کون آرہا ہے، رانا ثناء اللّٰہ وزیرِ اعظم شہباز شریف کے کچن کیبنٹ کے ممبر ہیں۔
انہوں نے مزید کہا کہ دعا ہے کہ الیکشن نومبرتک ہوجائیں، حلقہ بندیوں میں 3 چار ماہ تو لگیں گے۔
خورشید شاہ کا مزید کہنا تھا کہ عدالت نے ذوالفقار بھٹو کو قتل کیا، نواز شریف کو سزا دی، آج ملک میں جو ہو رہا ہے 80 فیصد ذمہ دار عدالتیں ہیں۔
خورشید شاہ نے میڈیا سے گفتگو کے دوران ٹرین حادثے پر افسوس کا اظہار کرتے ہوئے کہا کہ ہزارہ ایکسپریس حادثے پر بہت افسوس ہوا ہے، ہمارے ریلوے ٹریک بہت پرانے ہیں، رانی پور سے جنگ شاہی تک ٹریک کی مرمت کی ضرورت ہے۔
