سیالکوٹ (نمائندہ جنگ) صد ر ڈسکہ کے علاقہ لوڑھکی گورائیہ کے رہائشی ثقلین نے بتایاکہ چند روز قبل وہ اپنے دوست عمر کے ہمراہ گھرمیں موجودتھاکہ اسی دوران اس کے دوست عمر کے موبائل پر کال آئی کہ موضع بھڑتھانوالہ آجاؤ ہم نوکریاں ڈالتے ہیں دونوں دوست نوکری کی تلاش کیلئے بھڑتھانوالہ پہنچ گئے تو وہاں پر پہلے سے موجود ملزمان پرویز ‘دلاور ‘عابد ‘ناہید ‘جبار‘نبیل چار کس نامعلوم ان کو اغواکرکے ایک ڈیرہ پر لے گئے اور ان کے اہل خانہ سے ایک لاکھ روپے بھتہ کامطالبہ کیا اسی دوران ملزمان نے دونوں نوجوانوں کی برہنہ ویڈیو بھی بنالی جس کے بعد موقع پاکر دونوں دوست اغوا کاروں کے چنگل سے فرار ہوکر گھر پہنچ گئے۔ صد ر ڈسکہ پولیس نے مقدمہ درج کرکے تفتیش شروع کردی ہے ۔
فرمان الہی
نماز کے اوقات
