فرمان الہی
نماز کے اوقات
پاکستان فلم انڈسٹری کے معروف اداکار معمر رانا نے حالیہ انٹرویو میں اعتراف کیا کہ انہیں پریانکا چوپڑا پر کرش تھا تاہم انہیں بغیر میک اپ دیکھنے کے بعد سارا کرش ختم ہوگیا۔
معمر رانا نے حال ہی میں ویڈیو شیئرنگ پلیٹ فارم یوٹیوب پوڈکاسٹ میں بطور مہمان شرکت کی اور اپنے فلمی کیرئیر اور انڈسٹری میں ہونے والے تنازعات کے حوالے سے کھل کر بات کی۔
ایک سوال کے جواب میں انہوں نے کہا کہ اداکارہ صائمہ بغیر میک اپ بہت خوبصورت ہیں، جس پر میزبان نے ان سے سوال کیا کہ کیا کوئی پاکستانی اداکارہ ایسی ہے جو بغیر میک اپ کے خوفناک دکھائی دیتی ہوں؟
میزبان کے سوال پر اداکار نے جواب دیا کہ پاکستان میں تو کوئی نہیں ہے البتہ بھارت میں ہے، میزبان کے اصرار پر معمر رانا نے پریانکا چوپڑا کا نام لیتے ہوئے ایک قصہ سُنایا۔
انہوں نے بتایا کہ پریانکا کو جب میں نے بغیر میک اپ دیکھا تو میں ڈر گیا تھا، مجھے پتا ہی نہیں چلا کہ یہ ہے کون، میں اور سلمان بیٹھے باتیں کررہے تھے کہ ایک لڑکی آئی اور سلمان سے باتیں کرنے لگی۔ اس دوران میں خاموش رہا، تاہم جب لڑکی گئی تو میں نے سلمان سے پوچھا یہ کون تھی؟ جواب میں سلمان نے حیرانی سے کہا تم نے نہیں پہچانا؟ میں نے کہا نہیں جس پر سلمان نے بتایا کہ یہ پریانکا چوپڑا تھی۔
معمر رانا نے مزید کہا کہ یہ سن کر میں کافی حیران ہوا، میرا جو سارا کرش تھا وہ ختم ہوگیا، میں نے کہا بھاڑ میں جاؤ سارے، لیکن بھارتی اداکاراؤں میں اصل خوبصورتی امیشا پٹیل کی ہے، وہ بہت دلکش اور حسین اداکارہ ہیں وہ بالکل فٹ اور دکھنے میں بہت پیاری ہیں۔
