ایڈیشنل سیشن جج ہمایوں دلاور کو او ایس ڈی بنا دیا گیا

توشہ خانہ کیس میں پاکستان تحریک انصاف (پی ٹی آئی) کے چیئرمین عمران خان کو سزا سنانے والے ایڈیشنل سیشن جج ہمایوں دلاور کو  آفیسر آن اسپیشل ڈیوٹی (او ایس ڈی) بنا دیا گیا۔

 چیف جسٹس اسلام آباد ہائیکورٹ عامر فاروق نے ہمایوں دلاور کو او ایس ڈی بنانے کی منظوری دی۔

ایڈیشنل رجسٹرار اسلام آباد ہائیکورٹ کی جانب سے نوٹیفکیشن جاری کردیا گیا۔

توشہ خانہ کیس کی سماعت کرنے والے جج ہمایوں دلاور کی ایک سالہ کارکردگی

ایک سال میں جج ہمایوں دلاور نے7 مجرمان کو سزائے موت سنائی، ایک سال میں جینڈر بیسڈ وائلیشن کورٹ میں11 مجرموں کو عمر قید کی سزا سنائی۔

نوٹیفکیشن کے مطابق ایڈیشنل سیشن جج ہمایوں دلاور کو اسلام آباد ہائیکورٹ رپورٹ کرنے کی ہدایت کردی گئی ہے۔

جج ہمایوں دلاور نے توشہ خانہ کیس میں 5 اگست کو چیئرمین پاکستان تحریک انصاف (پی ٹی آئی) کو 3 سال قید کی سزا سنائی تھی۔

ہمایوں دلاور اگست کے دوسرے ہفتے میں ایک کورس کے سلسلے میں برطانیہ گئے تھے۔

گزشتہ روز چیف جسٹس آف پاکستان نے توشہ خانہ کیس کی سماعت کے دوران ریمارکس دیے تھے کہ توشہ خانہ کیس میں ٹرائل کورٹ کا حکم درست نہیں، سپریم کورٹ قرار دے چکی ہے کہ بادی النظر میں ٹرائل کورٹ نے یک طرفہ فیصلہ کیا۔