فرمان الہی
نماز کے اوقات
کراچی کے علاقے کورنگی نمبر 2 میں ڈکیتی میں مزاحمت پر باپ بیٹے کے قتل کے واقعے پر ایس ایس پی کورنگی طارق نواز نے بتایا ہے کہ موٹر سائیکل پر سوار 3 ملزمان دکان کے باہر آئے تھے۔
ایس ایس پی کورنگی طارق نواز نے جناح اسپتال کے باہر میڈیا سے گفتگو کرتے ہوئے بتایا کہ 2 ڈاکو دکان کے اندر داخل ہوئے اور لوٹ مار کی، مزاحمت کرنے پر ڈاکوؤں نے فائرنگ کر دی۔
ان کا کہنا ہے کہ فائرنگ سے باپ بیٹا جاں بحق ہو گئے، موقع سے گولیوں کے 4 خول ملے ہیں جنہیں فارنزک کے لیے بھجوایا جائے گا۔
طارق نواز نے مزید بتایا ہے کہ واقعے کی سی سی ٹی وی فوٹیج بھی حاصل کر لی گئی ہے جس کی مدد سے ملزمان کی شناخت کا عمل جاری ہے۔
ایس ایس پی کورنگی کا یہ بھی کہنا ہے کہ بہت جلد ملزمان کو گرفتار کر لیا جائے گا۔
