فرمان الہی
نماز کے اوقات
استور( نثار عباس نامہ نگار) ضلع استور حلقہ ون جی بی ایل اے 13 کےضمنی الیکشن میں سابق وزیر اعلیٰ کی نشست پر ان کے والد کامیاب، غیر حتمی اور غیر سرکاری نتائج کے مطابق تحریک انصاف کے امیدوار جسٹس (ر) محمد خورشید خان 6191 ووٹ لیکر کامیاب ہوئے ہیں، مسلم لیگ ن کےرانا فرمان نے 4899 اور پیپلز پارٹی عبدالحمید نے 4079 ووٹ حاصل کئے، ضمنی الیکشن میں ووٹرز کا ٹرن آوٹ 50 فیصد سے زائد رہا ، خواتین نے بھی جوش و خروش کیساتھ ووٹ کاسٹ کیا، را ٹو اور گوری کوٹ کے خواتین پولنگ سٹیشنز پر خواتین شیر خوار بچوں کو اٹھا کر ووٹ کاسٹ کرنے آئی تھیں، تعلی پولنگ سٹیشن میں دو گروپوں میں تصادم کے باعث پولنگ کےعمل کو دو بار روکنا پڑا، مسلم لیگ ن اور دیگر جماعتوں کی جانب سے الیکشن کمیشن ووٹوں کی دوبارہ گنتی کیلئے دی گئی درخواست میں حتمی نتائج کا اعلان روکنے کا مطالبہ کیا گیا ہے۔
