فرمان الہی
نماز کے اوقات
کراچی کے قائدآباد تھانے کے سامنے ڈاکوؤں نے ٹرانسپورٹر کو لوٹنے کیلئے باقاعدہ لڑائی لڑی اور فائرنگ کرکے فرار ہوگئے۔
لانڈی گل احمد چورنگی کے قریب قائدآباد تھانے کے سامنے ٹرانسپورٹر کو فائرنگ سے زخمی کرنے کی سی سی ٹی وی فوٹیج سامنے آئی ہے۔
فوٹیج میں دو موٹرسائیکلوں پر سوار 4 ملزمان کو ایک سفید کار کا راستہ روکتے دیکھا جاسکتا ہے۔
دو تین مسلح ملزمان کار سوار پر حملہ آور ہوتے ہیں، واردات کے دوران کار سوار نے مزاحمت کی۔
کار سوار گاڑی بھگانے کی کوشش کرتا ہے مگر ملزمان کار کا دروازہ کھول کر اس کے ساتھ لڑتے ہیں اور گاڑی کئی فٹ تک چلتی رہتی ہے۔
ملزمان نے لوٹ مار کے دوران گولیاں بھی چلائیں جس سے 40 سالہ اصغر علی زخمی ہوا جو پیشے کے لحاظ سے ٹرانسپورٹر ہے۔
زخمی کو اسپتال منتقل کیا گیا جہاں حالت خطرے سے باہر ہے، ایک منٹ سے زائد وقت تک ڈکیتی اور فائرنگ کرنے والے ملزمان باآسانی فرار ہوگئے۔
