کراچی(اسٹاف رپورٹر)ایس ایس بی کپ رمضان باسکٹ بال ٹورنامنٹ کے سیمی فائنل مقابلے کے مہمان خصوصی بلدیہ جنوبی کے ڈائر یکٹر اسپورٹس اور پی او اے کے میدیا کوآرڈینیٹر اور ایس او اےکے وائس چیر مین آصف عظیم نے خطاب کرتے ہوئے کہا کہ پی او اےاور بلدیہ جنوبی کراچی باسکٹ بال ایسوسی ایشن کی موجود قیادت کی بھرپور سرپرستی کرے گی اور جومدد ہم کرسکتے ہیں کرینگے انہوں نے کہا کہ ماضی کی طرح مستقبل میں بھی کراچی میں باسکٹ بال کھیل اور زیادہ مقبول ہوگا اور کراچی کے باسکٹ بال کورٹ آباد رہینگے۔ آصف عظیم نے کہا کہ بلدیہ جنوبی کے ایڈمنسٹر یٹر نعیم احمدسندھونے اعلان کیا کہ عیدالفطر کے بعدآرام باغ کورٹ پر انٹرڈسٹرکٹ باسکٹ بال ٹورنامنٹ کا انعقاد کیا جائے گا اور اس کے تمام انتطامات بلدیہ جنوبی کرے گی انہوں نے انکشاف کیا کہ بلدیہ جنوبی نے کلفٹن میں باسکٹ بال کورٹ کی تزین وآرائش کی ہے اور اب آرام باغ باسکٹ کورٹ پر تزین و آرائش ہوگی غلام محمدخان نے ٹورنامنٹ کے انعقاد پر بلدیہ جنوبی کا تعاون کرنے پر اظہار تشکرکیا۔
فرمان الہی
نماز کے اوقات
