کراچی(اسٹاف رپورٹر)فائیو اے سائیڈ ہاکی ٹورنامنٹ کے ڈائریکٹر اولمپیئن طاہر زمان نے کہا ہے کہ فائیو اے سائیڈ ہاکی ٹورنامنٹ قومی کھیل کی بحالی میں مددگار ثابت ہوا۔ جس میں کھلاڑیوں کو جارحانہ ہاکی کھیلنا پڑی اس ایونٹ سےکھلاڑیوں کو اپنی فزیکل فٹنس بہتر کرنے میں مدد ملی۔ امید ہے کہ دو تین سالوں میں پاکستان ہاکی بہتر سمت اور جیت کے ٹریک پر آ جائے گی۔ طاہر زمان نے کہا فائیو اے سائیڈ ہاکی ٹورنامنٹ قومی کھیل کی ترقی میں معاون ثابت ہوا۔ اس کے انعقاد میں اسپانسرز اور پنجاب اسپورٹس بورڈ نے بھر پور تعاون کیا ، انہوں نے کہا فائیو اے سائیڈ ہاکی میں شائقین کی دل چسپی کو سامنے رکھتے ہوئے اسے مستقبل میں دیگر شہروں میں بھی کرایا جائے گا۔
فرمان الہی
نماز کے اوقات
