شان مسعود کی انگلش کاؤنٹی میں دھوم مچانے کے بعد وطن واپسی

پاکستانی کرکٹ ٹیم سے ڈراپ ہونے کے باوجود اوپنر شان مسعود انگلش کاونٹی چیمپئن شپ میں اپنی کارکردگی سے دھوم مچانے کے بعد وطن واپس آرہے ہیں۔

سال کے آغاز میں وہ پاکستانی ون ڈے ٹیم کے نائب کپتان تھے، لیکن انہیں نائب کپتانی کے ساتھ ٹیم میں جگہ سے بھی محروم کردیا گیا اور ورلڈ کپ کے 15 کھلاڑیوں میں بھی شامل نہیں کیا گیا۔

کوئی شک نہیں بابر اعظم بہت بڑا پلیئر ہے، ذکاء اشرف

چیئرمین پاکستان کرکٹ بورڈ (پی سی بی) مینجمنٹ کمیٹی ذکاء اشرف نے کہا ہے کہ کوئی شک نہیں بابر اعظم بہت بڑا پلیئر ہے، سرفراز احمد سے زیادتی ہوئی ہے تو ازالہ کریں گے۔

ہیڈنگلے لیڈز میں یارکشائر کی طرف سے اپنے آخری میچ میں 131رنز 123 گیندوں پر 15چوکوں کی مدد سے بنائے اور اپنی ٹیم کو 6 وکٹ سے کامیابی دلوادی، شان مسعود کی کپتانی میں یارکشائر نے 3 کامیابیاں حاصل کیں۔

سری لنکا میں پاکستانی ٹیم کے ساتھ مصروفیات کی وجہ سے شان نے ٹیم کو تاخیر سے جوائن کیا ان کی غیر موجودگی میں سعود شکیل کو موقع دیا گیا۔ 

شان مسعود نے کاونٹی کے 7 میچوں میں 720 رنز بنائے، جس میں 2 سنچریاں اور 3 نصف سنچریاں شامل تھیں، ان کا بیٹنگ اوسط 60 رہا، وہ انگلش کاؤنٹی یارکشائر کے تیسرے کامیاب ترین بیٹسمین رہے، ایڈم لیتھ نے1019 اور فنلے بینز نے 983 رنز اسکور کئے۔

اگلے میچ میں غلطیوں پر قابو پانے کی کوشش کریں گے، بابر اعظم

قومی کرکٹ ٹیم کے کپتان بابر اعظم نے کہا ہے کہ اگلے میچ میں غلطیوں پر قابو پانے کی کوشش کریں گے۔

پاکستان کے جن بیٹر نے انگلش کاؤنٹی میں شرکت کی، ان میں شان کی کارکردگی سب سے اچھی رہی، سابق کپتان اظہر علی نے ووسٹرشائر کے لیے 14 میچوں میں 612 رنز بنائے، ان کا نمبر37واں رہا۔

ڈربی شائر کے حیدر علی 47ویں نمبر پر آئے، انہوں نے 10 میچوں میں481 رنز اسکور کئے، گلوسٹرشائر کے ظفر گوہر نے13میچوں میں391 لیسٹرشائر کے عمر امین نے 4 میچوں میں 108 اور یارکشائر کے سعود شکیل نے 3 میچوں میں 71 رنز بنائے۔

انگلش کاؤنٹی چیمپین شپ ڈرہم نے 233 پوائنٹس کے ساتھ جیت لی۔