فرمان الہی
نماز کے اوقات
صوبۂ پنجاب کے شہر لاہور میں واقع پنجو گاؤں میں 4 کمسن بہن بھائیوں کا قاتل باپ ہی نکلا جسے گرفتار کر لیا گیا ہے۔
پولیس کے مطابق 4 کمسن بچوں کے قاتل باپ نے بیوی سے جھگڑے کے بعد اپنے چاروں بچوں کو نہر میں پھینک دیا تھا، ملزم نے چاروں بچوں کو قتل کرنے کے بعد للیانی نہر میں پھینکا تھا۔
پولیس کے مطابق ریسکیو عملے کی مدد سے نہر میں بچوں کی تلاش جاری ہے۔
پولیس کا بتانا ہے کہ بچوں کے قاتل باپ ہی نے چاروں بچوں کے اغواء کا مقدمہ درج کرایا تھا۔
دوسری جانب نگراں وزیرِ اعلیٰ پنجاب محسن نقوی کی جانب سے 4 کمسن بچوں کے قتل کے واقعے پر افسوس کا اظہار کیا گیا۔
محسن نقوی نے معصوم بچوں کے قاتل باپ کے خلاف قانون کے تحت کارروائی کا حکم دیتے ہوئے کہا ہے کہ ملزم قانون کے مطابق عبرت ناک سزا سے نہیں بچ پائے گا۔
