فرمان الہی
نماز کے اوقات
دنیا بھر میں مقبولیت حاصل کرنے والا اسلامی فتوحات پر مبنی مشہور ترک ڈراما سیریز ’کورولس عثمان‘ میں مرکزی کردار ادا کرنے والے تُرک اداکار براق ازچویت نے پاکستانی مداحوں کو خوشخبری سنا دی۔
فوٹو اینڈ ویڈیو شیئرنگ پلیٹ فارم انسٹا گرام پر ترک اداکار نے جلد پاکستان آنے کا اعلان کیا ہے۔
اداکار نے انسٹا اسٹوری شیئر کرتے ہوئے بتایا کہ پاکستانی نجی پرفیوم برانڈ کے برانڈ ایمبیسڈر کی حیثیت سے پرفیوم کی لانچ پر 7 اکتوبر کو پاکستان پہنچ رہا ہوں۔
خیال رہے کہ اس سے قبل شہرہ آفاق ترک سیریز ’ارطغرل غازی‘ کے اہم کردار ارطغرل غازی، ترگت الپ اور بامسی الپ بھی مذکورہ برانڈ کے ایمبیسڈر کی حیثیت سے پاکستان آ چکے ہیں۔
واضح رہے کہ براق ازچویت کو سلطنتِ عثمانیہ کے بانی عثمان غازی کی زندگی پر مبنی تاریخی سیریز ’ارطغرل غازی‘ کے سیکوئل ’کورولس عثمان‘ کے مرکزی کردار سے دنیا بھر میں شہرت حاصل ہوئی ہے۔
