فرمان الہی
نماز کے اوقات
معروف امریکی ماہرِ سیاسیات پروفیسر جان میئر شائیمر نے بھارتی میڈیا کو انٹرویو دیتے ہوئے واضح کیا ہے کہ مسئلہ کشمیر کا مستقل اور واحد حل سیاسی ہے۔
پروفیسر جان میئر شائیمر نے کہا کہ بھارت فوجی حکمتِ عملی کے ذریعے مسئلہ کشمیر حل نہیں کرسکتا۔
امریکی پروفیسر نے یہ بھی کہا کہ پاکستان کے پاس قابلِ ذکر فوجی صلاحیت ہے، بھارت کو پاکستان پر برتری حاصل کرنا مشکل ہوگا۔
دوسری جانب سعودی عرب، ایران، امریکا اور برطانیہ نے پاک بھارت کشیدگی میں کمی کی کوششیں تیز کردیں۔
سعودی وزیر مملکت برائے خارجہ امور عادل الجبیر نئی دلی کے دورے کے بعد اسلام آباد پہنچ گئے، وزیر خارجہ اسحاق ڈار سے ملاقات بھی کی۔
ایرانی وزیر خارجہ عباس عراقچی پاکستان اور بھارت کے دورے کے بعد کل سعودی عرب جائیں گے۔
امریکی وزیر خارجہ مارکو روبیو نے وزیراعظم شہباز شریف اور بھارتی وزیر خارجہ جے شنکر سے رابطہ کیا، کشیدگی میں فوری کمی اور براہِ راست بات چیت پر زور دیا۔
امریکی محکمہ خارجہ کے مطابق پاکستان اور بھارت کے درمیان رابطوں میں بحالی کے اقدامات کی حمایت کریں گے، امریکی نائب صدر جے ڈی وینس کا کہنا ہے کہ اس وقت ہم نہیں سمجھتے کہ ایٹمی جنگ ہوگی۔
برطانیہ نے بھی پاکستان اور بھارت سے تحمل کا مظاہرہ کرنے کی اپیل کی ہے۔
