فرمان الہی
نماز کے اوقات
لاہور میں بینک سے رقم نکلوانے والے شہریوں کو دورانِ واردات قتل یا زخمی کرنے والے 3 ملزمان کو گرفتار کر لیا گیا ہے۔
ایس ایس پی سی آئی اے فرقان بلال نے پریس کانفرنس کے دوران بتایا ہے کہ گرفتار ملزمان سے 33 لاکھ روپے، 4 بائیکس اور اسلحہ بھی برآمد ہوا ہے۔
انہوں نے بتایا ہے کہ ملزمان نے اسلام پورہ میں دورانِ واردات شہری ذیشان کو زخمی کیا اور راہ گیر عارف کو قتل کیا۔
ایس ایس پی فرقان بلال کے مطابق ملزمان نے 2016ء میں کاہنہ میں دوران واردات شہری شہباز کو گولی مار کر قتل کیا تھا، ملزمان نے مصری شاہ، اچھرہ اور باغبانپورہ میں کئی وارداتیں بھی کی ہیں۔
انہوں نے یہ بھی بتایا کہ گرفتار تینوں ملزمان لاہور، سیالکوٹ، فیصل آباد، گجرات، گجرانوالہ اور قصور میں بھی ریکارڈ یافتہ مجرم ہیں۔
