نواز شریف دبئی میں اسحاق ڈار کے بیٹے کے گھر پہنچ گئے

مسلم لیگ (ن) کے قائد نواز شریف دبئی میں اسحاق ڈار کے بیٹے علی ڈار کی رہائش گاہ پہنچ گئے، حسین نواز اور حسنین ڈار بھی سابق وزیراعظم کے ہمراہ تھے۔

اس سے قبل نواز شریف کو دبئی ایئرپورٹ حکام کی طرف سے خصوصی پروٹوکول دیا گیا۔

نواز شریف کی آمد، ن لیگ نے نیا پارٹی ترانہ جاری کردیا

شہباز شریف نے کہا کہ نواز شریف کی واپسی سے متعلق ترانہ بنانے پر مریم نواز کو مبارک باد دیتا ہوں۔

پاکستان مسلم لیگ (ن) کے قائد نواز شریف کا طیارہ دبئی پہنچا، جس کے بعد وہ ایئرپورٹ سے علی ڈار کی رہائش گاہ کی طرف روانہ ہوئے۔

نواز شریف کی دبئی روانگی اہم میٹنگ کے سبب تاخیر کا شکار ہوئی تھی، نواز شریف کو دبئی ایئرپورٹ حکام کی طرف سے خصوصی پروٹوکول دیا گیا۔

ذرائع کا کہنا ہے کہ نواز شریف اپنے قانونی ماہرین سے مزید صلح مشورے کریں گے، سابق وزیراعظم ہفتے کی صبح خصوصی طیارے کے ذریعے پاکستان کے لیے روانہ ہوں گے، وہ دبئی ایئرپورٹ کے لیے متحدہ عرب امارات کے وقت کے مطابق صبح 6 بجے گھر سے روانہ ہوں گے۔

نواز شریف کو مٹانے والے کئی آئے اور کئی چلے گئے، مریم نواز

مریم نواز نے کہا کہ نواز شریف پاکستان آکر دوبارہ ملک کو ترقی کی راہ پر گامزن کریں گے، شہباز شریف نے نواز شریف کا بازو بن کر پارٹی کا پرچم سر بلند رکھا۔

ایئرپورٹ ذرائع کا کہنا ہے کہ نواز شریف 21 اکتوبر کی صبح دبئی سے پاکستان کیلئے روانہ ہوں گے، سابق وزیراعظم نواز شریف کا خصوصی جہاز FBD45255 کی نئے روٹ پر بکنگ کی گئی ہے۔

خصوصی جہاز پہلے اسلام آباد ایئرپورٹ پر لینڈ کرے گا، پھر لاہور کیلئے پرواز کرے گا۔

ایئرپورٹ ذرائع کا کہنا ہے کہ  خصوصی جہاز اُسی روز شام کو واپس دبئی چلا جائے گا۔