فرمان الہی
نماز کے اوقات
پاکستان کرکٹ ٹیم کے فاسٹ بولر محمد عامر نے کہا ہے کہ آج میں کہنے والا تھا کہ بابر اعظم نے اچھی کپتانی کی ہے۔
جیو نیوز کے پروگرام ہارنا منع ہے میں سابق آل راؤنڈر عبدالرزاق، فاسٹ بولر محمد عامر اور عماد وسیم نے شرکت کی۔
محمد عامر نے کہا کہ ہمارا مائنڈ سیٹ ایسا ہے کہ ہمیں پتہ ہی نہیں کہ ٹارگٹ کیسے سیٹ کرنا ہے، آخری اوور نواز کو نہیں دینا چاہئے تھا۔
انہوں نے کہا کہ پریشر آتا ہے تو ہم اپنے فیصلے بھول جاتے ہیں، ایسے وقت میں تجربہ کام آتا ہے، آج میں کہنے والا تھا بابر اعظم نے آج اچھی کپتانی کی۔
عبدالرزاق نے کہا کہ ہم نے بیٹنگ بہت خراب کی، قسمت نے ہمارا ساتھ دیا ورنہ 4 وکٹوں پر میچ ختم ہوجاتا۔
انہوں نے کہا کہ محمد رضوان جس نمبر پر کھیلتا ہے ایسے کوئی نہیں کھیلتا، بابر اعظم کو 3 نو بال ملے۔
سابق آل راونڈر نے مزید کہا کہ فاسٹ بالرز کو اندازہ ہی نہیں کہ وکٹوں پر کیسے بال کرنی ہے، تین 4 سال پہلے پلان کرنا ہوتا ہے کہ اچھے بالرز کی ریپلیسمنٹ کیا ہے۔
عماد وسیم نے کہا کہ رضوان نے اچھا کھیلا، تبریز شمسی کو آرام سے کھیلتے، پاکستان تینوں میچ جیتے اور آسٹریلیا اور نیوزی لینڈ ہارے تو چانس ہے۔
