انٹرپرنیور شپ اور معاشی ترقی کے لیے معیاری تعلیم کی اہمیت

جیسا کہ دنیا سماجی عدم مساوات اور موسمیاتی تبدیلیوں سے نمٹنے کے دوران اقتصادی ترقی کو برقرار رکھنے کی کوشش کر رہی ہے، اگلے 10 سال میں ہم جو تبدیلیاں کریں گے وہ ہمیں زیادہ مساوی اور پائیدار مستقبل کے لیے صحیح راستے پر گامزن کرنے کے لیے کلیدی ہوں گی۔

چھوٹے اور درمیانے درجے کے کاروبار تمام کمپنیوں کی تقریباً 90% اور دنیا کی تقریباً 70% ملازمتوں اور جی ڈی پی کے ذمہ دار ہیں، ایسے میں کاروباری سوچ یعنی انٹرپرینیورشپ ہی اس رجحان کو آگے بڑھائے گی۔ ماہرین متفق ہیں کہ چھوٹے اور درمیانے درجے کے کاروبار عالمی معیشت کو آگے بڑھانے میں اہم کردار ادا کریں گے۔

حقیقت یہ ہے کہ اختراع میں یقین رکھنے والے ذہن راتوں رات پیدا نہیں ہوتے۔ کاروباری ذہنوں کو پروان چڑھانا پڑتا ہے۔ روایتی رجحان کو تبدیل کرنے والا کاروبار بنانے کے لیے، ہر کاروباری فرد کو پہلے معیاری تعلیم کی ناگزیر بنیاد کی ضرورت ہوتی ہے۔ اسکول میں گزارے گئے سال ان کے نقطہ نظر کو وسیع کرتے ہیں، ان کے علم اور اعتماد کو بڑھانے میں مدد کرتے ہیں، اور زندگی بھر سیکھنے کے ان کے جذبے کو پروان چڑھاتے ہیں۔

تعلیم سب کے لیے: طلبا کے تنوع کو تسلیم کرنا

یونیسیف کے مطابق، دنیا بھر میں 600 ملین بچے اور نوعمر پڑھنے اور ریاضی میں کم از کم مطلوب مہارت حاصل نہیں کر سکتے، حالانکہ ان میں سے دو تہائی اسکول میں ہیں۔ دنیا بھر میں 129 ملین نوجوانوں اور اسکول سے باہر 43.3 ملین بے گھر بچوں کے لیے، یہ بنیادی مہارتیں اور بھی دسترس سے باہر ہیں۔

تعلیم تک رسائی بنیادی حق ہے، استحقاق نہیں۔ یہ مستقبل کے مواقع کی بنیاد بھی ہے - تعلیم مستقبل کے معماروں اور معاشرےکے لیے قیمتی علم اور مہارتیں تیار کرتی ہے کیونکہ ہنر مند کارکنوں کی آنے والی نسلیں جدت اور پیداواری صلاحیت کی نئی سرحدیں طے کرتی ہیں۔ جیسے جیسے ہماری دنیا اور معیشت آگے بڑھ رہی ہے، ہمیں اس بات کو یقینی بنانا چاہیے کہ نوجوانوں کی تعلیم کے حصول میں مدد کرنے کے لیے بنیادی ڈھانچہ موجود ہے، چاہے وہ کوئی بھی ہوں یا جہاں رہتے ہوں۔

ہمیں طلباء کو ان اہم اور نامعلوم سوالات کے لیے بھی تیار کرنے کی ضرورت ہے جو ان کی تخلیقی صلاحیتوں کے ساتھ ساتھ ان کی تنقیدی سوچ اور مسئلہ حل کرنے کی صلاحیتوں کو فروغ دے کر آگے بڑھتے ہیں۔ اسی طرح، پرجوش معلمین کو تربیت، سرمایہ کاری اور معاونت فراہم کی جانی چاہیے تاکہ جدید تدریسی طریقوں کو فراہم کیا جا سکے جو سائنس کی مدد سے حاصل ہوں، ضروری مہارتوں کو فروغ دیں، اور نوجوانوں کو مستقبل کے رہنما بنانے میں مدد کریں۔

2022 یدان پرائز فار ایجوکیشن ڈویلپمنٹ حاصل کرنے والی لرننگ پالیسی انسٹی ٹیوٹ سے وابستہ ڈاکٹر لنڈا ڈارلنگ-ہیمنڈ کا کام ایک زبردست مثال ہے۔ وہ اس بات پر دوبارہ غور کر رہی ہے کہ ہم اپنے اسکولوں کو مستند تعلیم کو بہتر بنانے کے لیے کس طرح ڈیزائن کرسکتے ہیں جس کا اطلاق حقیقی دنیا کے چیلنجوں پر کیا جا سکتا ہے جن کا ہمیں آج سامنا ہے۔

اسکول کے نظام کو ایک جامع تعلیم فراہم کرنے کے لیے اپنے نصاب کا دوبارہ جائزہ لینا چاہیے جو طلباء کی سماجی، جذباتی، علمی اور تعلیمی ترقی کو فروغ دے سکے۔ اس میں روایتی نظام سے ہٹنا شامل ہے جو معیاری جانچ پر توجہ مرکوز کرتے ہیں۔ معیاری STEM تعلیم تک رسائی کو وسیع کرنا بھی اتنا ہی اہم ہے کیونکہ یہ ہمارے عالمی جدت پسندوں (خاص طور پر ترقی پذیر ممالک میں اور لڑکیوں اور نوجوان خواتین) کےدستیاب وسائل کو بڑھاتا ہے۔ ایسا کرنے سے، ہمارے پاس بڑے مسائل کے لیے نئے حل تلاش کرنے کا زیادہ موقع میسر آتا ہے، جیسے کہ ہماری عالمی آبادی کو صاف توانائی کی طرف کیسے منتقل کیا جائے، دنیا کے قدرتی وسائل کی کمی کو محدود کیا جائے، اور کرہ ارض کے نازک ماحولیاتی نظام کی حفاظت کی جائے۔

ڈیجیٹل دنیا کے لیے تعلیم کو تبدیل کرنا

ہمیں یہ بھی قبول کرنا چاہیے کہ آج کا تعلیمی نظام کل کی دنیا کے لیے ڈیزائن نہیں کیا گیا ہے اور اسے بدلنے کے لیے تیار رہنا چاہیے۔ موجودہ اور آنے والی نسلیں ڈیجیٹل معاشرے میں پروان چڑھیں گی جس میں ڈیجیٹل طور پر فعال کاروباری ماڈلز کی بنیاد پر اگلی دہائی کے دوران معیشت میں 70فی صد نئی قدر پیدا ہو گی۔ جیسے جیسے نئی ٹیکنالوجی کی بنیاد پر ایجادات ہوں گی، اگلے پانچ سال میں 44فی صد کارکنوں کی مہارتوں میں خلل پڑ جائے گا۔ یہ سارے حقائق نئے سیکھنے کے طریقوں کی ضرورت پر زور دیتے ہیں، تاہم ابھی تک تعلیم بڑی حد تک وہی ہے جو ہمارے دادا دادی کے زمانے میں تھی۔

edX جیسے پروگرام اس خلا کو ختم کرنے میں مدد کر سکتے ہیں۔ یہ ایک عالمی آن لائن لرننگ پلیٹ فارم ہے جو کام کے مستقبل کے لیے لچکدار اور سستی تعلیم کے مواقع فراہم کرتا ہے۔چیٹ جی پی ٹی جیسے AI پلگ اِن کو اپنے سسٹم میں ضم کر کے، edX سیکھنے والوں کو حقیقی وقت اور انفرادی سطح پر تعلیمی مدد بھی فراہم کر رہا ہے، جو ہر طالب علم کی ضروریات کے مطابق سیکھنے کا زیادہ ذمہ دار اور اپنانے والا تجربہ پیش کرتا ہے۔

ایک زیادہ مساوی اور پائیدار عالمی معیشت کی تعمیر

یقیناً، عالمی معیشت کی کامیابی مختلف عوامل سے متاثر ہوتی رہے گی۔ تاہم، ہمیں انٹرپرینیورشپ کے اہم کردار کو نظر انداز نہیں کرنا چاہیے کیونکہ تعلیم کے ساتھ ترقی کا انجن اس کے فروغ اور حوصلہ افزائی سے ایندھن حاصل کرتا ہے۔ چاہے وہ جدید ٹیکنالوجی کا فائدہ اٹھا کر ہو یا سائنس کے امکانات کو کھول کر، کل کی اختراع کے بیج آج کے کلاس رومز اور کیمپس میں بوئے اور پروان چڑھتے ہیں۔

بہترین طریقوں پر روشنی ڈال کر اور تمام شعبوں میں ہم خیال شراکت داروں کے ساتھ تعاون کر کے، ہم نوجوانوں کو مستقبل کا دوبارہ تصور کرنے کے لیے علم اور ہنر سے آراستہ کر سکتے ہیں۔ اور ایسا کرتے ہوئے، ہم ایک ایسی عالمی معیشت بنائیں گے جو ہر ایک کے لیے زیادہ پائیدار اور زیادہ خوشحال ہوگی۔