سپریم کورٹ بار کے انتخابات میں عاصمہ جہانگیر گروپ کامیاب

سپریم کورٹ بار ایسوسی ایشن کے سالانہ انتخابات کا غیر حتمی نتیجہ سامنے آگیا جس میں عاصمہ جہانگیر گروپ نے کامیابی حاصل کرلی ہے۔

غیر حتمی نتیجے کے مطابق عاصمہ جہانگیر گروپ کے شہزاد شوکت سپریم کورٹ بار ایسوسی ایشن کے صدر منتخب ہوگئے ہیں۔

رپورٹس کے مطابق شہزاد شوکت 1706 ووٹ لے کر صدر سپریم کورٹ بار ایسوسی ایشن منتخب ہوئے ہیں۔

غیر حتمی نتیجے کے مطابق حامد خان گروپ کے میاں عبدالقدوس کو 1242 ووٹ ملے۔