فرمان الہی
نماز کے اوقات
بھارت میں کپاس کے گودام میں آگ لگنے سے 2 افراد ہلاک ہو گئے۔
بھارتی میڈیا کے مطابق واقعہ ریاست مہاراشٹرا کے شہر تھانے میں پیش آیا جہاں قائم کپاس کے ایک گودام میں اچانک آگ بھڑک اٹھی۔
بھارتی میڈیا کا کہنا ہےکہ آتشزدگی کا واقعہ منگل کی رات پیش آیا، اس موقع پر آگ نے دیکھتے ہی دیکھتے پورے گودام کو اپنی لپیٹ میں لے لیا جس کی اطلاع ملتے ہی پولیس اور فائر فائٹرز موقع پر پہنچ گئے۔
میڈیا کی رپورٹس کے مطابق آتش زدگی کے نتیجے میں 2 افراد ہلاک ہو گئے جبکہ مزید ہلاکتوں کا خدشہ ظاہر کیا جا رہا ہے۔
پولیس کا کہنا ہےکہ فوری طور پر آگ لگنے کی وجہ معلوم نہیں ہو سکی تاہم اس حوالے سے تحقیقات شروع کر دی گئی ہیں۔
