فرمان الہی
نماز کے اوقات
مسلم لیگ ن کے مرکزی قائد نواز شریف کل کوئٹہ جائیں گے۔
مسلم لیگ ن بلوچستان کے رہنما نعیم کریم کے مطابق نواز شریف کے ہمراہ پارٹی صدر شہباز شریف اور نائب صدر مریم نواز بھی ہوں گی۔
انہوں نے بتایا کہ مسلم لیگ ن کے دیگر رہنما خواجہ سعد رفیق اور ایاز صادق بھی کوئٹہ آ رہے ہیں۔
نعیم کریم کے مطابق نواز شریف کوئٹہ میں پارٹی ورکرز سے بھی خطاب کریں گے۔
ان کا مزید کہنا ہے کہ ہے کہ جن سیاسی شخصیات نے ن لیگ میں شمولیت کی کمٹمنٹ کی تھی وہ ن لیگ میں کل باقاعدہ شمولیت اختیار کریں گے۔
نعیم کریم کا یہ بھی کہنا ہے کہ زیادہ تر بلوچستان عوامی پارٹی سے شخصیات ن لیگ میں شمولیت کر رہی ہیں۔
سردار ایاز صادق کوئٹہ پہنچ گئے
دوسری جانب پاکستان مسلم لیگ ن کےسینئر رہنما سردار ایاز صادق آج کوئٹہ پہنچ گئے ہیں۔
سردار ایاز صادق پارٹی قائد نواز شریف کے کوئٹہ کے دورے کے حوالے سے انتظامات اور تیاریوں کے جائزہ کے لیےکوئٹہ پہنچے ہیں۔
