فرمان الہی
نماز کے اوقات
صوبۂ پنجاب کے شہر لاہور کا فضائی معیار انتہائی خطرناک حد تک مضرِ صحت ہے۔
عالمی ویب سائٹ ایئر کوالٹی انڈیکس کے مطابق لاہور آلودہ ترین شہروں کی فہرست میں آج بھی دوسرے نمبر پر ہے جس کی فضائی آلودگی آج صبح 235 پرٹیکیولیٹ میٹر ریکارڈ کی گئی ہے۔
دوسری جانب پاکستان کے معاشی حب کراچی کا فضائی معیار بھی مضرِ صحت ہے۔
ایئر کوالٹی انڈیکس کے مطابق کراچی آلودہ ترین شہروں کی فہرست میں تیسرے نمبر پر ہے جس کی فضا میں آلودگی 186پرٹیکیولیٹ میٹر ریکارڈ کی گئی ہے۔
اسی طرح دنیا کے آلودہ ترین شہروں میں بھارتی دارالحکومت دہلی پہلے نمبر پر ہے جس کی فضا میں آلودگی 423 پرٹیکیولیٹ میٹر ریکارڈ کی گئی ہے۔
اے کیو آئی کے مطابق 151 سے 200 درجے تک آلودگی مضرِ صحت ہے، 201 سے 300 درجے تک آلودگی انتہائی مضرِ صحت جبکہ 301 سے زائد درجہ خطرناک آلودگی کو ظاہر کرتا ہے۔
