لندن (نیوز ایجنسیز) پاکستان کے اعصام الحق نے ومبلڈن ٹینس مینز ڈبلز کے پہلے رائونڈ میں فتح حاصل کرلی۔ انہوں نے برازیلی ساتھی مارسیلو ڈیمولینر کے ہمراہ جولیان نوئل اور آرتم سیتاک کی جوڑی کو اسٹریٹ سیٹس میں زیر کرلیا۔دریں اثنا سیکنڈ سیڈ خاتون پلیئر گاربائن مگوروزا عالمی نمبر 124 سلواکیہ کی یانا سیپلووا کے ہاتھوں شکست کھا کر باہر ہوگئیں۔ فرنچ اوپن ٹائٹل کے فائنل میں سرینا ولیمز کو ہرانے والے گاربائن کو 6-3 6-2سے شکست ہوئی۔ دریں اثنا سیمونا ہالپ، میڈیسن کیز اور سیبائن لسیکی تیسرے راؤنڈ میں پہنچ گئیں۔ رومانیہ کی ہالپ نے اطالوی حریف فراسسکا شیوون کو 6-1 اور 6-1 ، ہالینڈ کی برٹنز نے جرمنی کی مونابارتھل کو 6-4 اور 6-4 ، امریکا کی میڈیسن کیز نے فلپکنز کو شکست دی، جرمنی کی سیبائن لسیکی نے آسٹریلیا کی سمانتھا اسٹوسر کو ہرا کر تیسرے راؤنڈ کیلئے کوالیفائی کیا۔
فرمان الہی
نماز کے اوقات
