فرمان الہی
نماز کے اوقات
چین میں مبینہ طور پر ڈاکٹر نے آپریشن کے دوران مریض کو مُکّا مار دیا۔
غیرملکی میڈیا کے مطابق متعلقہ حکام نے اسپتال میں پیش آنے والے اس معاملے کی تفتیش شروع کردی ہے۔
رپورٹس کے مطابق اس واقعے کی ویڈیو چین میں سوشل میڈیا پر رواں ہفتے وائرل ہوئی تھی جس پر شدید غم و غصے کا اظہار کیا جارہا ہے۔
غیرملکی میڈیا کے مطابق 2019ء میں پیش آنے والے اس واقعے پر ڈاکٹر کو معطل جبکہ اسپتال کے چیف ایگزیکٹو افسر کو برطرف کردیا گیا ہے۔
رپورٹس کے مطابق مریض کی آنکھوں کے آپریشن کے دوران ڈاکٹر نے کم از کم 3 مرتبہ اس کے سر پر مارا تھا۔
غیرملکی میڈیا کے مطابق 82 سالہ مریض خاتون کو سرجری کے دوران اینستھیزیا کی وجہ سے پریشانی ہوئی تھی جس پر اس نے اپنے سر اور پلکوں کو متعدد بار ہلایا تھا۔
مقامی میڈیا سے بات کرتے ہوئے مریض کے بیٹے کا کہنا تھا کہ سرجری کے بعد اسپتال کی انتظامیہ نے معذرت کی اور 500 یوآن (70 ڈالر) بطور معاوضہ ادا کیا۔
خاتون مریض کے بیٹے کا کہنا تھا کہ والدہ بائیں آنکھ سے نہیں دیکھ سکتیں، یہ واضح نہیں ہے کہ یہ واقعے کی وجہ سے ہوا ہے یا کسی اور وجہ سے۔
