فرمان الہی
نماز کے اوقات
بین الاقوامی شہرت یافتہ گلوکار سلیم جاوید نے اپنی سالگرہ کراچی میں مداحوں کے ساتھ منائی۔
لوک گیت ’جگنی‘ سے بین الاقوامی شہرت حاصل کرنے والے گلوکار سلیم جاوید کی سالگرہ 25 دسمبر کو آتی ہے، انہوں نے گزشتہ رات کراچی میں ایک کانسرٹ کے دوران مداحوں کے ہمراہ اپنی سالگرہ کا کیک کاٹا۔
مداحوں کی جانب سے سلیم جاوید کےلیے تہنیتی پیغامات کا سلسلہ جاری ہے۔
یاد رہے کہ سلیم جاوید نے موسیقی کی دنیا میں نت نئے گائیکی کے انداز متعارف کروائے اور وہ گزشتہ 40 برسوں سے موسیقی کے رنگوں میں اضافہ کر رہے ہیں۔
ان کے مشہور گانوں میں ’تم میرے ہو‘، ’اک بار چلے آؤ‘ اور ’جگنی‘ نمایاں ہیں۔
دلچسپ بات یہ ہے کہ گلوکار سلیم جاوید اور ان کے صاحبزادے معروف موسیقار شیزان جوجی کی سالگرہ ایک ہی دن یعنی 25 دسمبر کو منائی جاتی ہے۔
