فرمان الہی
نماز کے اوقات
راولپنڈی کے حلقے این اے 52 سے سابق وزیرِ اعظم راجہ پرویز اشرف کے کاغذاتِ نامزدگی منظور ہو گئے۔
مسلم لیگ ن کے امیدوار راجہ جاوید اخلاص کے کاغذاتِ نامزدگی بھی منظور ہو گئے۔
این اے52 سے کل 23 امیدواروں کے کاغذاتِ نامزدگی منظور کیے گئے ہیں۔
واضح رہے کہ انتخابی امیدواروں کے کاغذاتِ نامزدگی منظور یا مسترد ہونے کے فیصلوں پر اپیلیں آج سے دائر ہو سکیں گی۔
ملک بھر میں عام انتخابات کے لیے کاغذاتِ نامزدگی جمع ہونے، منظور یا مسترد ہونے کا مرحلہ مکمل ہو گیا ہے۔
ریٹرننگ افسروں کے فیصلوں پر اپیلوں کا عمل آج سے 3 جنوری تک جاری رہے گا۔
امیدوار اپنے کاغذات 12 جنوری تک واپس لے سکیں گے جبکہ امیدواروں کو انتخابی نشان 13 جنوری کو دیے جائیں گے اور عام انتخابات 8 فروری کو ہوں گے۔
