فرمان الہی
نماز کے اوقات
پشاور میں پولیس نے پاکستان تحریک انصاف (پی ٹی آئی) کے کوہاٹ سے امیدوار آفتاب عالم کی گرفتاری کی تصدیق کردی۔ آفتاب عالم کو پشاور ہائیکورٹ کے باہر سے گرفتار کیا گیا تھا۔
پشاور پولیس کے مطابق آفتاب عالم کو کوہاٹ پولیس نے گرفتار کیا ہے۔ آفتاب عالم پر کوہاٹ کے تھانا گمبٹ میں مقدمہ درج ہے۔
ایف آئی آر میں آفتاب عالم سمیت پی ٹی آئی کے 20 سے زیادہ کارکنان شامل ہیں۔ پولیس کے مطابق آفتاب عالم اور دیگر نے 10 دسمبر 2023ء کو کنونشن منعقد کیا تھا۔ ضلعی انتظامیہ نے دفعہ 144 کے تحت عوامی اجتماعات پر پابندی عائد کر رکھی تھی، پابندی کے باجود کنونشن کا انعقاد کیا گیا۔
پولیس نے بتایا کہ آفتاب عالم اور پی ٹی آئی کارکنوں نے پولیس کے ساتھ ہاتھا پائی بھی کی تھی۔
پشاور ہائیکورٹ نے کوہاٹ پولیس کو کل آفتاب عالم کو پیش کرنے کا حکم دے دیا۔
ایڈووکیٹ جنرل نے عدالت کو بتایا کہ آفتاب عالم پر 8 ایف آئی آرز ہیں وہ عدالتوں میں پیش نہیں ہوتے، ملزم کی گرفتاری سے متعلق کل عدالت میں رپورٹ جمع کروائیں گے۔
عدالت نے حکم دیا کہ کل آفتاب عالم کو عدالت میں پیش کیا جائے، پولیس نے آفتاب عالم کو ہاتھ بھی لگایا تو کارروائی کریں گے۔
انصاف لائرز فورم کے مطابق آفتاب عالم پی کے 90 کوہاٹ سے پی ٹی آئی کے امیدوار ہیں، کورٹس کیسز کیلئے آئے تھے۔
