فرمان الہی
نماز کے اوقات
کراچی میں ایک اور خاتون کو ہراساں کرنے کی سی سی ٹی وی ویڈیو منظر عام پر آئی ہے، واقعہ گزشتہ روز نارتھ کراچی میں پیش آیا۔
خواتین کو ہراساں کرنے کے واقعات میں مسلسل اضافہ ہورہا ہے، گزشتہ روز نارتھ کراچی سیکٹر 11 اے میں خاتون کو ہراساں کرنے کے واقعے کی سی سی ٹی وی فوٹیج منظر عام پر آگئی ہے۔
سی سی ٹی وی میں دیکھا جا سکتا ہے کہ ایک خاتون گلی میں اپنے بچے کے ہمراہ گزر رہی ہے۔ موٹر سائیکل سوار شخص خاتون کے ساتھ چلتی موٹر سائیکل سے غیر اخلاقی حرکت کرکے فرار ہوگیا۔
پولیس کا کہنا ہے کہ سی سی ٹی وی فوٹیج کا جائزہ لے رہے ہیں ابھی تک کسی نے شکایت درج نہیں کروائی اگر کوئی شخص کمپلین جمع کروائے گا تو واقعے کا مقدمہ درج کیا جائے گا۔ سی سی ٹی وی ویڈیو کی مدد سے ملزم کی تلاش شروع کردی ہے۔
