شیخوپورہ(نمائندہ جنگ ) صدر کے اندر سے پولیس ملازم محمد شہباز کی موٹر سائیکل چوری ہوگئی، وہ موٹر سائیکل تھانہ کے اندر کھڑی کرکے لاہور ڈیوٹی پر گیا تھا ، رچنا ٹاؤن میں محنت کش ارشد صدیق کی موٹر سائیکل نامعلوم چور لے اڑے، لاہور روڈ پر نیشنل ٹاؤن کے نزدیک تین مسلح افراد مقامی شہری محمد یونس سے موٹر سائیکل اور 40ہزار روپے چھین کر فرار ہوگئے، جی ٹی روڈ کی آبادی مریدکے میں مقامی شہری نعیم شاہ کی موٹر سائیکل نامعلوم چور ایک شاپنگ سنٹر کے باہر سے چوری کرکے فرار ہوگئے، ڈیرہ خورشید میں تاجر عبدالغفار کی دکان کے تالے توڑ کر چوروں کا گروہ 80ہزار روپے مالیت کا سامان لیکر فرار ہوگیا، لاہور روڈ پر کوٹ عبدالمالک کے نزدیک چار ڈاکو زمیندار محمد رفیق سے 35ہزار روپے چھین کر فرار ہوگئے، خان پارک میں مقامی شہری فرزند خان کی موٹر سائیکل چوری ہوگئی، تھانہ صفدر آباد کے علاقہ جے چک سے نامعلوم چور محمد شفیق کا ٹریکٹر لے اڑے، تھانہ سٹی بی ڈویژن کے علاقہ کمپنی باغ کے باہر سے نامعلوم چور رفیق کی موٹر سائیکل نمبری چوری کرکے فرار ہوگئے، تھانہ سٹی اے ڈویژن کے علاقہ ڈی ایچ کیو ہسپتال سے نامعلوم چور شہری ندیم کی موٹر سائیکل لیکر فرار ہوگئے،فاطمہ جناح روڈ سے محنت کش محمد صدیق کی موٹر سائیکل چوری ہوگئی، پولیس مصروف تفتیش ہے۔
فرمان الہی
نماز کے اوقات
