فرمان الہی
نماز کے اوقات
کراچی میں تین تلوار پر پاکستان تحریک انصاف (پی ٹی آئی) کارکنوں اور پولیس کے درمیان جھڑپ ہوگئی۔ پی ٹی آئی کارکنوں کی جانب سے پولیس پر پتھروں اور ڈنڈوں سے حملہ کیا گیا، ایس ایچ او سمیت متعدد پولیس اہلکار زخمی ہوگئے۔
پولیس نے ریلی میں شرکت کے لیے آنے والے کارکنوں کو منتشر کردیا، پولیس نے پی ٹی آئی کے متعدد کارکنوں کو حراست میں لے لیا۔
پولیس کا کہنا ہے کہ پی ٹی آئی کارکنوں کی جانب پولیس موبائل پر حملہ کیا گیا ہے، جس میں ایس ایچ او بوٹ بیسن ریاض نیازی شدید زخمی ہوگئے، انہیں اسپتال منتقل کردیا گیا ہے۔
پولیس حکام کا کہنا ہے کہ پی ٹی آئی کی جانب سے ریلی کیلئے کوئی اجازت نہیں لی گئی تھی، بغیر اجازت ریلی نکالنے پر روکا کیا گیا تو پولیس پر حملہ کیا گیا۔
پتھراؤ میں ریلی کی کوریج کرتے ہوئے جیو نیوز کے کیمرہ مین الطاف حسین بھی زخمی ہوئے، پولیس نے شیلنگ کرکے ریلی کے شرکاء کو تین تلوار اور اطراف سے منتشر کر دیا۔
