• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نوابشاہ ایئرپورٹ پر طیاروں کی ری فیولنگ کی سہولت معطل

آج کا اخبار
ملک بھر سے
31 جنوری ، 2024
کراچی/نوابشاہ( افضل ندیم ڈوگر/بیورو رپورٹ)سندھ میں نواب شاہ ایئرپورٹ پر طیاروں کی ری فیولنگ کی سہولت ایک ماہ کے معطل کر دی گئی ہے. سول ایوی ایشن اتھارٹی ذرائع کے مطابق اس سلسلے میں سی اے اے نے ائیر لائنز کیلئے نوٹم جاری کردیا ہے جس میں بتایا گیا ہے کہ 29 فروری تک نوابشاہ ایئرپورٹ پر طیاروں کی ری فیولنگ سہولت نہیں ہوگی۔نواب شاہ بیورو کے مطابق سول ایوی ایشن اتھارٹی نے نوابشاہ ایئرپورٹ پر طیاروں کی ری فیولنگ کی سہولت 20 فروری تک معطل کردی ۔ سی اے اے کے جاری کردہ نوٹس کے مطابق نواب شاہ ایئرپورٹ پر تمام ایئرلائنز کے طیاروں کو ری فیولنگ کی سہولت حاصل نہیں ہوگی‘ سول ایوی ایشن کے مطابق ری فیولنگ معطل کرنے کا مقصد ایئرپورٹ پر ری فیولنگ کے آلات کا معائنہ اور جانچ پڑتال کرنا شامل ہے جبکہ ایک مہینے بعد طیاروں کی ری فیولنگ شروع کر دی جائے گی۔
ملک بھر سے سے مزید