فرمان الہی
نماز کے اوقات
گوجرانوالہ (اے پی پی)پاکستان مسلم لیگ ن کی چیف آرگنائزرمریم نوازشریف نے کہا ہے کہ پاکستان کا بہت نقصان کرنیوالی وائرل بیماری ہمیشہ کیلیے ختم ہوگئی، نوازشریف وعدے پورے کرتا ہے، گوجرانوالہ کے باسیوں نے مریم نوازکو تنہانہیں چھوڑا۔ ان خیالات کااظہارانہوں نے گوجرانوالہ کے جناح سٹیڈیم میں جلسہ عام سے خطاب کرتے ہوئے کیا۔ ان کاکہناتھا کہ گوجرانوالہ نے ہمیشہ ن لیگ کاساتھ دیا ہے، گزشتہ مشکل ترین دورمیں گوجرانوالہ کے باسیوں نے مریم نوازکوتنہانہیں چھوڑا، جس جلسہ نے بازی پلٹی وہ بھی گوجرانوالہ میں ہواتھا، جبکہ ججز لانگ مارچ کااختتام بھی گوجرانوالہ میں ہواتھا ۔ انہوں نے کہاکہ نوازشریف جووعدے کرتا ہے وہ پورے بھی کرتا ہے ، اگر وہ ایک کروڑ نوکریوں کاوعدہ کرے گا تو اسے پورا بھی کرے گا ۔
