• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ہمیں الیکشن کمیشن سے رتی برابر امید نہیں، شیر افضل مروت

تازہ ترین
قومی خبریں
27 فروری ، 2024
ہمیں الیکشن کمیشن سے رتی برابر امید نہیں، شیر افضل مروت

پاکستان تحریک انصاف (پی ٹی آئی) رہنما شیر افضل مروت نے کہا ہے کہ ہمیں الیکشن کمیشن سے رتی برابر امید نہیں ہے۔

جیو نیوز کے پروگرام ’آج شاہزیب خانزادہ کے ساتھ‘ میں گفتگو کے دوران شیر افضل مروت نے کہا کہ انہیں رتی برابر بھی امید نہیں کہ الیکشن کمیشن پی ٹی آئی کے حق میں فیصلہ دے گا۔

انہوں نے کہا کہ ان کے ارکان 29 فروری کو قومی اسمبلی اجلاس میں جاکر حلف اٹھائیں گے اور احتجاج کریں گے۔

ہماری مخصوص نشستیں ن لیگ، پی پی ہڑپ کرنا چاہتی ہیں، سینیٹر علی ظفر

پاکستان تحریک انصاف (پی ٹی آئی) کے سینیٹر علی ظفر نے کہا ہے کہ ن لیگ اور پی پی ہماری مخصوص نشستیں ہڑپ کرنا چاہتی ہیں۔

پی ٹی آئی رہنما نے مزید کہا کہ 29 تاریخ کو اجلاس میں حلف لینے کےلیے شرکت کریں گے، توقع ہے کل الیکشن کمیشن واضح کردے گا ہماری درخواست منظور یا مسترد کردے۔

اُن کا کہنا تھا کہ پارلیمانی پارٹی نے ابھی بائیکاٹ کا فیصلہ نہیں کیا ہے، جہاں تک میں سمجھتا ہوں، اسمبلی کے اندر احتجاج کریں گے۔

شیر افضل مروت نے یہ بھی کہا کہ الیکشن کمیشن سے ہمیں رتی برابر بھی توقع نہیں ہے، الیکشن کمیشن ابتدا سے ہمارے ساتھ سوتیلی ماں جیسا سلوک کر رہا ہے۔

انہوں نے کہا کہ ہمارے کیس ٹریبونل بھیج رہے ہیں اور ن لیگ کے نوٹیفکیشن جاری ہورہے ہیں۔

ن لیگ اور پی پی نے علی ظفر کا الزام مسترد کردیا

مسلم لیگ (ن) اور پیپلز پارٹی نے پی ٹی آئی سینیٹر علی ظفر کے الزام کی تردید کردی۔

پی ٹی آئی رہنما نے کہا کہ ہمارا مقصد شراکت اقتدار کبھی نہیں رہا، پیپلز پارٹی کی شراکت اقتدار کی پیشکش کو بانی پی ٹی آئی نے مسترد کیا ہے۔

ان کا کہنا تھا کہ احتجاج کے معاملے پر لوگ ابھی تک ڈرے ہوئے ہیں، لوگ سمجھتے ہیں ریاستی کریک ڈاؤن کا تسلسل ہوگا۔

شیر افضل مروت نے کہا کہ اسلام آباد میں کافی لوگ نکلے تھے، لوگوں کا ڈر و خوف دور ہوچکا، اب ہمارے احتجاج میں دیگر جماعتیں بھی ساتھ آئیں گی۔

انہوں نے کہا کہ میری معلومات کے مطابق بیرسٹر گوہر علی ہی چیئرمین ہوں گے، میں نے بیرسٹر گوہر کے خلاف بات نہیں کی، میں نے احتجاج کی بات کی تھی۔

قومی خبریں سے مزید