حرا مانی کی بھارتی گلوکار ہمیش ریشمیا کی طرح گانا گاتے ویڈیو وائرل

پاکستان شوبز انڈسٹری کی معروف اداکارہ حرا مانی کی بھارتی گلوکار ہمیش ریشمیا کی طرح ناک سے گانا گاتے ہوئے ویڈیو سوشل میڈیا پر وائرل ہو گئی۔

حرا مانی مختلف تقریبات کے دوران اپنا شوق پورا کرنے کے لیے گلوکاری کرتی نظر آتی ہیں۔

حال ہی میں سوشل میڈیا پر وائرل ہونے والی ویڈیو میں گلوکار و اداکار جنید خان ایک تقریب کے دوران حرا مانی کو اسٹیج پر بلا کر لیجنڈری گلوکارہ نازیہ حسن کا مشہور گانا ’سن میرے محبوب‘ گانے کی فرمائش کرتے نظر آئے۔

جنید خان کی فرمائش پر حرا مانی نے گانا شروع کرنے سے پہلے یہ اپیل کی کہ ’پلیز میرا مذاق نہ اڑانا میں ہمیش ریشمیا کی طرح بہت ناک سے گا رہی ہوں‘۔

جیسے ہی اداکارہ کی بھارتی گلوکار کی طرح ناک سے گانا گاتے ہوئے یہ ویڈیو سوشل میڈیا پر وائرل ہوئی تو صارفین نے ایک بار پھر گانا گانے کی کوشش کرنے پر ان کا مذاق اُڑایا اور ساتھ ہی گلوکاری چھوڑ کر صرف اداکاری پر توجہ دینے کا مشورہ دیا۔