• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ہمارے امیدوار کو اپوزیشن سے تقریباً دوگنا زیادہ ووٹ ملیں گے، خواجہ سلمان رفیق

تازہ ترین
قومی خبریں
09 مارچ ، 2024
فائل فوٹو
فائل فوٹو

پنجاب کے وزیر صحت خواجہ سلمان رفیق نے کہا ہے کہ آج تمام جمہوری قوتیں جیتیں گی، ہمارے امیدوار کو اپوزیشن سے تقریباً دوگنا زیادہ ووٹ ملیں گے۔

لاہور میں میڈیا سے گفتگو کرتے ہوئے خواجہ سلمان رفیق نے کہا کہ لڑ جھگڑ کر نفرت سے کبھی ملک نہیں چل سکتا، ان نفرتوں کی وجہ سے دیکھیں وہ آج کہاں بیٹھے ہیں۔

انہوں نے کہا کہ کتاب لکھنا شروع کی تھی لیکن حقائق اتنے کڑوے ہیں کہ کتاب لکھنا روک دی۔

واضح رہے کہ پاکستان کے 14ویں صدر کا انتخاب کرنے کے لیے پولنگ کا عمل جاری ہے۔

صدارتی انتخاب کے لیے ہونے والی پولنگ کے حوالے سے صوبائی اسمبلیوں اور قومی اسمبلی میں انتظامات اور تیاریاں مکمل کرلی گئی ہیں اور اراکین کی آمد کا سلسلہ جاری ہے۔

حکمراں اتحاد کی جانب سے آصف علی زرداری اور اپوزیشن جماعتوں کی جانب سے محمود خان اچکزئی صدر کے امیدوار ہیں۔

قومی خبریں سے مزید