پی سی بی کی طرف سے ابھی تک کوئی رابطہ نہیں کیا گیا، عثمان خان

ملتان سلطانز کے بلے باز عثمان خان نے کہا ہے کہ پاکستان کرکٹ بورڈ (پی سی بی) کی طرف سے ابھی تک کوئی رابطہ نہیں کیا گیا۔

پنڈی کرکٹ اسٹیڈیم میں اسلام آباد کے خلاف میچ کے بعد پریس کانفرنس کرتے ہوئے عثمان خان کا کہنا تھا کہ پی ایس ایل میں دوسری سنچری ہے۔

انہوں نے کہا کہ ملتان سلطانز کی مینجمنٹ اعتماد بڑھاتی ہے، کپتان محمد رضوان فیملی کی طرح رکھتے ہیں۔

ملتان سلطانز کو شکست دے کر اسلام آباد یونائیٹڈ پلے آف میں پہنچ گئی

ملتان سلطانز نے پہلے بیٹنگ کرتے ہوئے مقررہ 20 اوورز میں 4 وکٹ پر 228 رنز بنائے، یونائیٹڈ نے ہدف آخری گیند پر حاصل کرلیا۔

اپنی اننگز کے دوران کے حوالے سے بات کرتے ہوئے عثمان خان کا کہنا تھا کہ جانسن چارلس نے کہا کہ لمبی اننگز کھیلو۔

واضح رہے کہ عثمان خان نے اسلام آباد یونائیٹڈ کے خلاف میچ میں سنچری بنا کر پاکستان سپر لیگ (پی ایس ایل) میں تاریخ رقم کردی۔

وہ کسی بھی ایونٹ میں دو سنچریاں بنانے والے پہلے بلے باز بھی بن گئے جبکہ مجموعی طور پر تین سنچریاں بنا کر انہوں نے کامران اکمل کا ریکارڈ بھی برابر کردیا۔