کراچی (اسٹاف رپورٹر) آل پاکستان باکسنگ ٹورنامنٹ جولائی میں ہوگا۔ پاکستان باکسنگ فیڈریشن کے زیراہتمام اور بلوچستان باکسنگ ایسی سی ایشن کے تعاون سے ہونے والا آل پاکستان باکسنگ ٹورنامنٹ جولائی کے آخر میں کوئٹہ میں ہوگا۔ جس میں صوبوں اور ڈپارٹمنٹس کی ٹیمیں شرکت کریں گی۔ پی بی ایف کے سیکرٹری جنرل محمد اکرم خان کا کہنا ہے کہ ایونٹ میں ملک بھر کی ٹیمیں شرکت کریں گی جن میں صوبوں، ڈپارٹمنٹس اور دیگر ٹیمیں شامل ہوں گی۔ ایونٹ میں شرکت کیلئے پاکستان آرمی، پاکستان نیوی، پاکستان ایئرفورس، پاکستان واپڈا، پاکستان ریلوے، ہائرایجوکیشن کمیشن، پنجاب، خیبر پختونخوا، سندھ، بلوچستان، اسلام آباد، فاٹا، گلگت بلتستان اور آزاد جموں و کشمیر کو باضابطہ خطوط جاری کردیئے گئے ہیں۔
فرمان الہی
نماز کے اوقات
