-
فرمان الہی
-
نماز کے اوقات
- ہفتہ 18؍شوال المکرم 1445ھ27؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستان شوبز انڈسٹری کی معروف اداکارہ بشریٰ انصاری کا کہنا ہے کہ گھریلو ملازمین کی نظر میں پیسوں سے زیادہ اہمیت عزت کی ہوتی ہے۔
بشریٰ انصاری نے حال ہی میں ایک نجی ٹی وی کے پروگرام میں بطور مہمان شرکت کی جہاں اُنہوں نے گھریلو ملازمین کیساتھ حسنِ سلوک سے پیش آنے کی تلقین کی۔
اُنہوں نے کہا کہ میرے جو گھریلو ملازمین ہیں میرے ساتھ 12 یا 13 سال سے ہیں، اس لیے میرا تو اُنہیں ملازمین کہنے کو بھی دل نہیں کرتا۔
اداکارہ نے کہا کہ گھریلو ملازمین جو کام کرتے ہیں جیسے کھانا پکانا وغیرہ تو ان کاموں کے انسان اُنہیں پیسے دے سکتا ہے لیکن وہ جس ایمانداری اور محبت سے کام کرتے ہیں اس کی اُنہیں کوئی قیمت نہیں ادا کی جا سکتی بلکہ ایسے میں صرف ان کی عزت اور قدر کی جا سکتی ہے اور وہ پیسوں سے بھی بڑھ کر ہوتی ہے۔
اُنہوں نے کہا کہ میں اپنے ملازمین کی ہمیشہ بہت عزت کرتی ہوں اور میرے لیے وہ میرے بچوں کی طرح ہیں بلکہ میرے بچے تو ملک سے باہر ہیں تو یہاں میرے پاس بس یہی ہوتے ہیں اور میرا بہت خیال رکھتے ہیں۔
بشریٰ انصاری نے کہا کہ اگر انسان اپنے ملازمین کی عزت کرے تو وہ ہمیشہ وفاداری اور ایمانداری سے کام کریں گے۔
اُنہوں نے ایسے لوگوں پر تنقید بھی کی جو اکثر اپنے ملازمین سے کام کرواتے ہوئے اُنہیں طعنے دے رہے ہوتے ہیں یا اگر ان سے گھر کی کوئی چیز غلطی سے ٹوٹ جائے تو ان کی تخواہ میں سے پیسے کاٹ لیتے ہیں۔
اداکارہ نے مزید کہا کہ گھر کی ٹوٹنے والی چیزیں ہم سے بھی گر کر ٹوٹ سکتی ہیں ملازمین کوئی جان بوجھ کر تھوڑی توڑتے ہیں تو اس طرح چھوٹی چھوٹی باتوں پر ملازمین کو ڈانٹنے اور طعنے دینے سے مجھے سخت نفرت ہے ایسا نہیں کرنا چاہیے۔
