محسن نقوی نے نگراں پنجاب کابینہ کے وزیر بلال افضل کو قومی سلیکشن کمیٹی میں شامل کرلیا

محسن نقوی نے سابقہ نگراں پنجاب کابینہ کے وزیر بلال افضل کو پاکستان کرکٹ بورڈ (پی سی بی) کی قومی سلیکشن کمیٹی میں شامل کرلیا۔ 

ذرائع پی سی بی کا کہنا ہے کہ بلال افضل سلیکشن کمیٹی میں ڈیٹا اینالسٹ ہوں گے۔

7 رکنی کرکٹ سلیکشن کمیٹی کا اعلان

پاکستان کرکٹ بورڈ کے چیئرمین محسن نقوی نے کہا ہے کہ سلیکشن کمیٹی کی ازسرِ نو تنظیم کی ہے، سلیکشن کمیٹی اب 7 افراد پر مشتمل ہوگی۔

ذرائع نے بتایا کہ معروف ڈیٹا اینالسٹ حسن چیمہ بھی سلیکشن کمیٹی کا حصہ ہیں، ڈائریکٹر انٹرنیشنل عثمان واہلہ سلیکشن کمیٹی کے سیکریٹری ہوں گے۔

چیئرمین پی سی بی محسن نقوی نے پریس کانفرنس میں سات رکنی سلیکشن کمیٹی کا اعلان کیا تھا۔