بہاولپور(سٹی رپورٹر) بہاولپور ویسٹ مینجمنٹ کمپنی نے عید الفطر کی تعطیلات کے دوران شہر بھر میں صفائی آپریشن بھرپور انداز میں جاری رکھا۔کمپنی کےمطابق آپریشن کے دوران شہر بھر کی 70 سے زائد چھوٹی بڑی مساجد،عید گاہوں اور ان سے ملحقہ راستوں کے علاوہ تمام شاہراوں پر صفائی،دھلائی اور چونا ڈالنے کا کام بخوبی سرانجام دیا۔کمپنی خصوصاً عیدالفطر کے تینوں ایام مکمل طور پر فعال رہی اور تمام مساجد،عیدگاہوں اور تفریحی مقامات پر کمپنی کا عملہ بمعہ مشینری ہمہ وقت موجود رہے۔ویسٹ مینجمنٹ کمپنی کے افسران اور ورکرز عید تعطیلات کے دوران اپنی خدمات سر انجام دیتے رہے اور صفائی آپریشن کے دوران چاند رات سے تعطیلات کے اختتام تک شہر بھر سے ویسٹ اکٹھا کرکے ٹھکانے لگایا گیا۔ عید الفطر کے موقع پر کمپنی ہیلپ لائن 1139 بھی مکمل طور پر فعال رہی اور شہریوں کی جانب سے موصول ہونے والی شکایات کا فوری ازالہ کیا گیا۔مینجنگ ڈائریکٹر محمد نعیم اختر عید سے قبل دوران صفائی آپریشن کی مانیٹرنگ کے لئے فیلڈ میں موجود رہے اور وقتاً فوقتاًشہر میں صفائی کی صورتحال کا جائزہ لیتے رہے۔
فرمان الہی
نماز کے اوقات
