گوجرانوالہ(نمائندہ جنگ) عید کے دنوں میں نوجوانوں نے موٹر سائیکلوں پر ون ویلنگ کا آزادانہ مظاہرہ کیا جسکی وجہ سے حادثات میں مجموعی طور پر 50سے زائد افراد زخمی ہوئے جبکہ ٹریفک پولیس ون ویلرز کو روکنے میں بری طرح ناکام ہو گئی۔ جی ٹی روڈ سیٹلائیٹ ٹائون ، سیالکوٹ روڈ اور ملحقہ سڑکوں پر درجنوں کی تعداد میں ٹولیوں کی شکل میں نوجوانوں نے ون ویلنگ کا مظاہرہ کیا سارا دن نوجوان سڑکوں پر ون ویلنگ کرتے رہے جسکی وجہ سے متعدد حادثات ہوئے اور مجموعی طور پر 50سے زائد افراد ان حادثات میں زخمی ہو کر ہسپتالوں میں لائے گئے شہریوں نے ٹریفک پولیس کی چشم پوشی پر شدید احتجاج کیا اور کہا کہ ٹریفک پولیس کی چشم پوشی کی وجہ سے ون ویلرز حادثات کا باعث بنے اور 50لوگ زخمی ہوئے دوسری طرف ٹریفک پولیس کے ذرائع نے بتایا کہ ون ویلنگ کرنے کے الزام میں متعددنوجوانوں کو گرفتار بھی کیا گیا علاوہ ازیں عید کے دنوں میں پولیس نے بھی موٹر سائیکلوں کی پکڑ دھکڑ کا سلسلہ جاری رکھا ۔پولیس ذرائع نے بتا یا کہ وارداتوں کی روک تھام کیلئے ناکے لگائے۔
فرمان الہی
نماز کے اوقات
