طاہر اشرفی کا سربراہ حماس اسماعيل ہنیہ سے فون پر رابطہ

چیئرمين علماء کونسل حافظ طاہر اشرفی نے حماس کے سربراہ اسماعيل ہنیہ سے فون پر رابطہ کیا ہے۔

اس موقع پر حافظ طاہر اشرفی نے حماس کے سربراہ اسماعيل ہنیہ سے فون پر تعزیت کا اظہار کیا ہے۔

ان کا کہنا ہے کہ آپ کےصاحبزادوں نے ديگر شہداء کی طرح عظيم قربانی دی ہے۔

بیٹوں کی شہادت کی خبر پر اسماعیل ہنیہ کا ردِ عمل

حماس کے سربراہ اسماعیل ہنیہ نے بیٹوں کی شہادت پر رد عمل دیتے ہوئے کہا ہے کہ شہادتوں سے ہمیں آزادی کی اُمید ملتی ہے۔

حافظ طاہر اشرفی نے یہ بھی کہا ہے کہ شہداء کی قربانياں رنگ لائيں گی اور فلسطین جلدآزاد ہو گا۔

اسماعيل ہنیہ نے جواب میں کہا ہے کہ ہمارے خاندان اور اہلِ فلسطين کو شہادتوں سے نوازانے پر اللّٰہ تعالی کے شکر گزار ہیں۔

حماس کے سربراہ کا یہ بھی کہنا ہے کہ وہ وقت قریب ہے جب ہم مسجدِ اقصیٰ ميں ایک ساتھ نماذ ادا کریں گے۔

واضح رہے کہ غزہ میں عید کے روز صہیونی فوج نے حماس کے سربراہ اسماعیل ہنیہ کے 3 جواں سال بیٹے شہید کر دیے۔

غزہ میں اسرائیل کا فضائی حملہ، حماس رہنما اسماعیل ہنیہ کے 3 بیٹے، 3 پوتے شہید

حماس کے رہنما اسماعیل ہنیہ کے تین بیٹے بدھ کو غزہ میں اسرائیلی فضائی حملے میں شہید ہوگئے۔

اسماعیل ہنیہ کے صاحبزادے حازم، محمد اور عامر شاطی ایک کیمپ میں پناہ گزینوں سے عید ملنے گئے تھے کہ اسرائیلی فوج نے فضا سے ان کی گاڑی پر بم برسائے۔

اس حملے میں حماس کے سربراہ اسماعیل ہنیہ کے کئی پوتے پوتیاں بھی شہید ہوئے ہیں۔