• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارت: منی پور میں دورانِ انتخابات پُرتشدد واقعات

تازہ ترین
بین الاقوامی خبریں
21 اپریل ، 2024
فوٹو بشکریہ غیر ملکی میڈیا
فوٹو بشکریہ غیر ملکی میڈیا

بھارتی ریاست منی پور میں انتخابات کے دوران پُرتشدد واقعات کے باعث متعدد پولنگ اسٹیشنز پر پولنگ کا عمل متاثر ہو گیا۔

بھارتی میڈیا کی رپورٹ کے مطابق انتخابی حکّام نے تشدد کے واقعات سے متاثرہ 11 پولنگ اسٹیشنز پر ووٹنگ کالعدم قرار دے کر نئے سرے سے پولنگ کروانے کا حکم دے دیا۔

رپورٹ میں بتایا گیا ہے کہ کانگریس نے منی پور کے 47 پولنگ اسٹیشنز پر دوبارہ انتخابات کروانے کا مطالبہ کیا تھا، کانگریس نے الزام لگایا تھا کہ پولنگ بوتھوں پر قبضہ کیا گیا اور انتخابات میں دھاندلی کی گئی۔

یاد رہے کہ منی پور میں جمعےکو انتخابات کے دوران مسلح گروپس کے درمیان جھڑپوں کی اطلاعات ملی تھیں۔

ان مسلح گروپس نے بھاری حفاظتی انتظامات میں پولنگ اسٹیشنز پر قبضے کی کوششیں بھی کیں۔

واضح رہے کہ بھارتی ریاست منی پور میں ایک سال کے دوران نسلی جھڑپوں کے دوران اموات کے باوجود بھی ووٹنگ ٹرن آؤٹ زیادہ رہا ہے۔

بین الاقوامی خبریں سے مزید