چیئرمین پی اے سی بنانے کا فیصلہ ہوا ہے تو بانی پی ٹی آئی کا شکر گزار ہوں، صاحبزادہ حامد رضا

سنی اتحاد کونسل کے رہنما صاحبزادہ حامد رضا سے سوال کیا گیا کہ آپ کو چیئرمین پبلک اکاؤنٹس کمیٹی بنانےکی باتیں ہورہی ہیں؟

جیو نیوز سے گفتگو کے دوران حامد رضا نے کہا کہ تحریک انصاف اور بانی پی ٹی آئی کا جو فیصلہ ہوگا وہ حتمی ہوگا، ایسا فیصلہ ہوا ہے تو میں بانی پی ٹی آئی اور پارٹی کا شکر گزار ہوں۔

شیر افضل مروت کا چیئرمین پبلک اکاؤنٹس کمیٹی سے متعلق سوال پر جواب

پی ٹی آئی رہنما نے کہا کہ چیئرمین نے پارلیمانی کمیٹی میٹنگ میں اس کا اعلان کیا تھا۔

دوسری جانب چیئرمین پبلک اکاؤنٹس کمیٹی کے لیے  پاکستان تحریک انصاف (پی ٹی آئی) کی اعلیٰ قیادت کے بیان میں تضاد سامنے آئے ہیں۔

پی ٹی آئی رہنما لطیف کھوسہ نے دعویٰ کیا ہے کہ پارٹی نے حامد خان کو پبلک اکاؤنٹس کمیٹی کا چیئرمین بنانے کا فیصلہ کر لیا ہے۔

قومی اسمبلی میں قائد حزب اختلاف عمر ایوب نے کہا ہے کہ بانی پی ٹی آئی نے شیر افضل مروت کو چیئرمین پی اے سی بنایا ہے، پارٹی کا مؤقف ہے کہ جو نام بانی پی ٹی آئی دیں گے وہی چیئرمین پی اے سی ہوگا۔

رہنما پی ٹی آئی شیر افضل مروت کا کہنا ہے کہ پبلک اکاؤنٹس کمیٹی پر دنیا ختم نہیں، دنیا میں اور بہت سی چیزیں ہیں۔