امریکا، طوفان کے بعد ٹیکساس شدید گرمی کی لپیٹ میں، بجلی منقطع

ہیوسٹن (آئی این پی ) مقامی میڈیا اور نیشنل ویدر سروس نے کہا ہے کہ امریکی ریاست ٹیکساس کے شہر ہیوسٹن میں شدید طوفان کے بعد ہزاروں لوگوں کو شدید گرمی کا سامنا ہے، اس طوفان کے نتیجے میں کم از کم 7افراد ہلاک ہوگئے تھے۔ امریکی صدر جو بائیڈن نے جمعہ کو 7ٹیکساس کانٹیز کے لیے میجر ڈیزاسٹر ڈیکلیرریشن کا اعلان کردیا جس سے وہاں کے رہائشی اور کاروباری ادارے وفاقی امداد کے اہل بن گئے ہیں۔ مقامی میڈیا کے مطابق،ہفتے کو 100میل فی گھنٹہ (161کلومیٹر فی گھنٹہ) کی رفتار سے چلنے والی ہواں کے طوفان نے اس علاقے میں گھروں اور عمارتوں کو نقصان پہنچایا، بجلی کی تاریں گر گئیں اور 8 لاکھ سے زائد افراد کو بجلی سے محروم کر دیا۔