بشکیک میں ابھی تک ہاسٹل میں محصور اور غیرمحفوظ ہیں، ڈاکٹر محمد نعمان

کرغزستان کے دارالحکومت بشکیک میں پھنسے پاکستانی ڈاکٹر محمد نعمان نے کہا ہے کہ ابھی تک ہاسٹل میں محصور اور غیرمحفوظ ہیں۔

ایک بیان میں ڈاکٹر محمد نعمان نے کہا کہ بشکیک میں یونیورسٹی انتظامیہ ممکنہ حد تک تحفط دے رہی ہے۔

انہوں نے کہا کہ حکومت فوری طور پر ہماری باحفاظت واپسی کا انتظام کرے۔

کرغزستان سے 170 پاکستانی طلبہ کا تیسرا گروپ لاہور پہنچ گیا

کرغزستان سے 170 پاکستانی طلبہ کا تیسرا گروپ لاہور پہنچ گیا، طلبہ کے عزیز و اقارب کی بڑی تعداد ایئرپورٹ پر موجود تھی۔

دوسری جانب ٹنڈو محمد خان کے طلباء کے والد نے کہا ہے کہ بشکیک میں دو روز سے میرے بچے سوئے نہیں ہیں اور کھانے پینےکی قلت ہے۔

انہوں نے حکومت سے مطالبہ کرتے ہوئے کہا کہ حکومت ہمارے بچوں کو بحفاظت وطن واپس لائے۔